2 members of Klappir's team standing next to one team member of Össur

Samstarfsverkefni Klappa og Össurar um rafræna umhverfisstjórnun

Klappir og Össur hafa skrifað undir samstarfsyfirlýsingu á sviði stafrænnar umhverfisstjórnunar. Markmið samstarfsins er að nýta stafræna tækni og lausnir Klappa til að ná heildstæðri yfirsýn yfir umhverfismál Össurar á alþjóðlegum grundvelli. Nánar tiltekið felur samstarfið í sér uppsetningu á miðlægum gagnagrunni umhverfisupplýsinga fyrir Össur á alþjóðavísu og sjálfvirknivæðingu gagnasöfnunar á sviði umhverfismála.

Í upphafi verður áhersla lögð á að ná utan umhverfismál Össurar á Íslandi og á völdum erlendum starfsstöðvum, þ.e. í Hollandi, Mexíkó og Bandaríkjunum. Össur er með starfsemi í yfir 25 löndum víða um heim og stefnt er að því að útvíkka samstarfið til fleiri starfsstöðva á næstu misserum.

„Við erum mjög ánægð með samstarfið við Össur og hlökkum mikið til að takast á við þetta spennandi verkefni. Verkefnið gefur okkur tækifæri til að kynnast hvernig umhverfismálum er háttað á starfssvæðum Össurar á erlendri grundu.“

Anton Birkir Sigfússon, viðskiptaþróun, Klappir

„Össur hefur unnið að stöðugum úrbótum á umhverfisstjórnkerfi fyrirtækisins undanfarin ár. Með samstarfi við Klappir einfaldast öll gagnaöflun og við öðlumst betri yfirsýn yfir helstu umhverfisþætti. Við berum miklar væntingar til samstarfsins.“

Bergþóra Hlíðkvist Skúladóttir, umhverfis- og öryggisstjóri, Össur

DEILDU ÞESSARI GREIN

Share on facebook
Share on twitter
Share on linkedin
Share on print
Share on email

Eldri greinar

Close Menu